Trysorydd: Celfyddydau Anabledd Cymru

Cyfrifoldebau ymddiriedolwyr:

Mae bod yn ymddiriedolwr ar gyfer sefydliad yn swyddogaeth gynhyrfus a buddiol. Y Byrddau mwyaf effeithiol yw’r rhai sy’n buddio o unigolion o gefndiroedd amrywiol gydag amrywiaeth o brofiadau bywyd a sgiliau. Swyddogaeth yr ymddiriedolwyr yw sicrhau bod Celfyddydau Anabledd Cymru yn cyflawni ei dyletswyddau i’w haelodau ac yn gweithredu ei weledigaeth, cenhadaeth ac amcanion.

Cenhadaeth, gweledigaeth ac amcanion:

Gweledigaeth:

Ein gweledigaeth yw Cymru greadigol a chyfartal lle mae pobl anabl a Byddar yn ganolog i gelfyddydau ein cenedl.

Datganiad cenhadaeth:

Rydym yn credu mewn hyrwyddo hygyrchedd a chyfleoedd, dathlu amrywiaeth, meithrin talent newydd ynghyd ag ymarferwyr anabl sefydledig, ac ysbrydoli newid ledled Cymru.

Amcanion:

1. Cefnogi artistiaid anabl a Byddar i gyflawni eu potensial a chodi proffil eu gwaith.

2. Ehangu hygyrchedd a chynhwysiad i greawdwyr, gyfranogion a chynulleidfaoedd anabl.

3. Addysgu darparwyr celfyddydau i ddilyn ymarfer gorau hygyrchedd a chynhwysedd.

4. Cysylltu gyda’r llywodraeth a gwneuthurwyr penderfyniadau ynglŷn ag anabledd a’r celfyddydau.

5. Denu cynulleidfaoedd newydd i’r celfyddydau a diwylliant yng Nghymru.

6. Dygnu am gydraddoldeb, rhagoriaeth ac effeithiolrwydd ym mhopeth, pob dydd.

Cyfrifoldebau statudol ymddiriedolwyr yw:

• I sicrhau bod y sefydliad yn cydymffurfio â’i dogfen lywodraethol – y gellir ei hadnabod fel dogfen ymddiriedolaeth, cyfansoddiad, neu erthyglau cymdeithasiad.

• I sicrhau bod y sefydliad yn canlyn ei amcanion fel darnodwyd yn ei dogfen lywodraethol.

• I sicrhau bod y sefydliad yn arfer ei adnoddau er mwyn gyflawni ei amcanion yn unig – rhaid i’r elusen beidio â gwario arian ar weithgareddau nad ydynt wedi cynnwys yn ei amcanion ei hun, p’un bynnag pa mor ‘elusennol’ neu ‘buddiol’ yw’r gweithgareddau.

• I gyfrannu yn weithredol i swyddogaeth Bwrdd yr Ymddiriedolwyr wrth roi cyfeiriad strategol cadarn i’r sefydliad, gosod polisi cyffredinol, darnodi bwriadau a gosod targedau ac arfarnu perfformiad yn erbyn targedau cytûn.

• I ddiogelu enw da a gweledigaeth y sefydliad.

• I sicrhau gweinyddiad effeithiol ac effeithlon y sefydliad.

• I sicrhau sefydlogrwydd ariannol y sefydliad.

• I ddiogelu a rheoli eiddo’r sefydliad ac i sicrhau buddsoddiad addas o gronfeydd y sefydliad.

• Os yw’r sefydliad yn cyflogi staff, i benodi’r Cyfarwyddwr Gweithredol ac arsylwi eu perfformiad.

Yn ogystal ag ymddiriedolwyr eraill, dal yr elusen “mewn ymddiriedolaeth” ar gyfer buddiolwyr presennol a buddiolwyr y dyfodol trwy:

• Sicrhau bod gan yr elusen weledigaeth, cenhadaeth a chyfarwyddyd strategol clir a’i bod yn ganolbwyntiedig ar gyflawni’r rhain.

• Bod yn gyfrifol am berfformiad yr elusen ac am ei ymddygiad “corfforedig”; yn sicrhau bod yr elusen yn cydymffurfio gydag anghenion cyfreithiol a rheoleiddiol i gyd.

• Gweithredu fel gwarcheidwaid asedau'r elusen, yn ddiriaethol ac anniriaethol, gan gymryd pob gofal dyladwy dros eu diogelwch, eu defnydd a'u cymhwysiad priodol.

• Sicrhau bod llywodraethu'r elusen o'r safon uchaf posibl.

Yn ogystal â'r dyletswyddau statudol amrywiol, dylai unrhyw ymddiriedolwr wneud defnydd llawn o unrhyw sgiliau, gwybodaeth neu brofiad penodol i helpu'r bwrdd i wneud penderfyniadau da.

Yn arwyddol yn unig yw'r rhestr uchod o ddyletswyddau ac nid yn drwyadl. Bydd disgwyl i'r Trysorydd gyflawni unrhyw ddyletswyddau ychwanegol sy'n rhesymol gymesur â'r swyddogaeth.

Cydnabyddiaeth: Nid yw unrhyw dâl ariannol yn cyd-fynd â swyddogaeth y Trysorydd, er y gellir hawlio costau teithio.

Ymrwymiad amser: 4 cyfarfod Bwrdd a 4 cyfarfod pwyllgor Cyllid a Staffio pob flwyddyn

Yn adrodd I: Bwrdd yr Ymddiriedolwyr (Pwyllgor Gweithredol)

Disgrifiad Swydd Trysorydd:

Amcan:

Bydd y Trysorydd yn goruchwylio materion ariannol yr elusen yn gytûn ag arfer da ac yn gytûn â’r ddogfen lywodraethol a gofynion cyfreithiol, ac yn adrodd i Fwrdd yr Ymddiriedolwyr yn gyson am iechyd ariannol y sefydliad. Bydd y Trysorydd yn sicrhau bod mesurau, rheolaethau a threfniadaethau ariannol effeithiol yn cael eu gosod, a’u bod yn addas i’r elusen.

Prif gyfrifoldebau:

• Goruchwylio, cymeradwyo a chyflwyno cyllidebau, cyfrifon, datganiadau ariannol ac adroddiadau ariannol i Fwrdd yr Ymddiriedolwyr ar ôl trafodaeth gyda’r Rheolwr Cyllid a Gweinyddu

• Bod yn sicr bod adnoddau ariannol y sefydliad yn gallu cyflawni ei anghenion presennol a dyfodol a'u bod o fewn amcanion yr elusen

• Bod yn allweddol wrth ddatblygu a gweithredu polisi cronfeydd ariannol a pholisïau buddsoddi addas

Prif ddyletswyddau:

• Cydgysylltu â'r Rheolwr Cyllid a Gweinyddu ynglŷn â materion ariannol

• Cadeirio cyfarfodydd yr is-bwyllgor Cyllid a Staffio ar gyfer bwrdd yr ymddiriedolwyr

• Sicrhau bod trefniadaethau a rheolaethau cyfrifyddiaeth addas yn eu lle

• Cynghori ar ymhlygiadau ariannol cynlluniau strategol y sefydliad

• Mynychu a gweithio'n agos gyda'r pwyllgor cyllid

• Cydgysylltu ag archwilwyr annibynnol yr elusen lle bo'n addas

• Cydgysylltu â'r Cyfarwyddwr Gweithredol a'r Rheolwr Cyllid a Gweinyddu i sicrhau bod cyfrifon blynyddol yr elusennau yn cydymffurfio â'r SORP Elusennau cyfredol

• Sicrhau bod offer ac asedau'n cael eu cynnal a'u hyswirio'n ddigonol

• Rhoi gwybod i'r bwrdd am ei ddyletswyddau a'i gyfrifoldebau ariannol

• Cyfrannu at strategaeth codi arian y sefydliad

• Gwneud cyflwyniad ffurfiol o'r cyfrifon yn y cyfarfod cyffredinol blynyddol a thynnu sylw at bwyntiau pwysig mewn ffordd gydlynol a hawdd ei deall

• Eistedd ar baneli gwerthuso, recriwtio a disgyblu yn ôl yr angen

Os hoffech wneud cais am y rôl uchod, anfonwch eich CV ynghyd â disgrifiad byr o sut mae eich sgiliau a'ch profiad yn eich gwneud yn ymgeisydd addas ar gyfer y rôl i sue@dacymru.com gyda'r teitl testun ‘Trysorydd’.

Dyddiad cau: 14/06/24

Am unrhyw wybodaeth bellach neu os oes gennych unrhyw gwestiynau, cysylltwch â owain@dacymru.com

Rydym yn arbennig yn croesawu ceisiadau gan bobl anabl a Byddar a chymunedau eraill sydd heb gynrychiolaeth ddigonol.