Mae Celfyddydau Anabledd Cymru (DAC) yn edrych am Ymddiriedolwyr newydd

Sefydliad arweiniol cenedlaethol sy’n codi llais dros artistiaid, perfformwyr, a phobl greadigol Byddar ac anabl ledled Cymru yw Celfyddydau Anabledd Cymru (DAC). Rydym ar genhadaeth i dorri lawr rhwystrau cymdeithasol, hybu cydraddoldeb, a sicrhau bod pobl anabl yn arwain y ffordd yn y celfyddydau a’r sector diwylliannol. Rydym yn gweithio i warantu bod y bobl sy’n creu, arwain, a mwynhau celf yng Nghymru yn adlewyrchu amrywiaeth wirioneddol ein cenedl.

Er mwyn sicrhau bod DAC yn parhau i fod yn ddynamig, perthnasol a cynhwysol, rydym wastad yn arloesi ffyrdd newydd o weithio. Wedi ein gwreiddio yn y Model Cymdeithasol o Anabledd, rydym yn cefnogi artistiaid sy’n gweithio ym mhob ffurf gelfyddydol, celf weledol, cerddoriaeth, theatr, llenyddiaeth, a chyfryngau digidol. Gan yrru newidiadau systemig trwy greu celf o safbwynt profiad byw o anabledd, rydym yn cael gwared â’r rhwystrau sy’n wahardd pobl o’r celfyddydau. Ochr yn ochr gyda hyn, rydym yn darparu eiriolaeth, cyngor a hyfforddiant i hybu cydraddoldeb ledled y sector. O safbwynt y model cymdeithasol o anabledd mae’r gwaith yma i gyd yn cael ei gwblhau, sef model sy’n haeru bod y rhwystrau cymdeithasol ac agweddau negyddol sy’n anablu pobl, nid amhariadau!

Ymddiriedolwyr

Rydym yn edrych am bobl angerddol i ymuno a’n Bwrdd Ymddiriedolwyr i helpu llywio Celfyddydau Anabledd Cymru wrth i ni symud ymlaen i un o’r cyfnodau mwyaf cyffrous yn hanes y sefydliad. Rydym wastad yn edrych i ymestyn yr amrywiaeth o brofiadau byw (personol a proffesiynol), safbwyntiau diwylliannol, a chefndiroedd artistig ar ein Bwrdd.

Rydym yn croesawu ceisiadau o unigolion Byddar, anabl, a niwrowahanol, ynghyd a chynghreiriaid. Mae gennym ddiddordeb yn enwedig i glywed o bobl anabl ifanc ac artistiaid ar ddechrau eu gyrfa. 

Ein Bwrdd Ymddiriedolwyr sy’n gyfrifol yn gyffredinol am sicrhau bod ein helusen yn cael ei reoli’n effeithiol, moesegol a cynaliadwy. Trwy fod yn Ymddiriedolwr, bydd gennych chi’r cyfle i:

• Yrru Cydraddoldeb Systemig: Defnyddio eich mewnwelediad a sgiliau i siapio tirwedd ddiwylliannol fwy hygyrch ledled Cymru.

• Cynyddu eich Arweiniad: Datblygu profiad llywodraethant a sgiliau strategol ar gyfer taith bersonol a proffesiynol eich hun.

• Codi Llais Dros Hawliau Creadigol: Eiriol yn angerddol dros ddiwylliant anabledd a chynrychiolaeth gyfartal.

Ymrwymiadau’r Bwrdd & Cefnogaeth Mynediad

• Amserlen Cyfarfodydd: Mae’r Bwrdd yn cyfarfod pedair gwaith y flwyddyn (gan gynnwys y Cyfarfod Cyffredinol Blynyddol), ac yn cwrdd am ddydd strategol mewn person tua unwaith pob dwy flynedd. 

• Fformat Ar-lein: Mae cyfarfodydd yn cael eu cynnal gydag ystyriaeth hygyrchedd, dros Zoom gyda chapsiynau a’r opsiwn o unrhyw anghenion neu addasiadau mynediad ychwanegol.

• Costau: Mae pob rôl ymddiriedolwr yn wirfoddol, ond mae costau rhesymol gan gynnwys trafnidiaeth, cymorth mynediad, cymorth personol, a chostau gofal plant yn cael eu had-dalu yn ôl yr angen. 

Elusen gofrestredig wedi’i ariannu gan Gyngor Celfyddydau Cymru yw Celfyddydau Anabledd Cymru.

Sut i Ymgeisio

Byddwn ni wrth ein bodd i glywed ohonoch os oes gyda chi diddordeb bod yn rhan o gyfnod nesaf Celfyddydau Anabledd Cymru. Rydym yn croesawu ceisiadau mewn fformat ysgrifenedig, fideo, neu sain. Croeso i’ch cais bod yn iaith Gymraeg.

Cyflwynwch amlinelliad o pam hoffwch ymuno a’n Bwrdd, yr hyn sy’n eich atynnu i weledigaeth Celfyddydau Anabledd Cymru, a sut bydd eich profiad byw a proffesiynol yn ychwanegu i’n genhadaeth. Anfonwch hwn i:

• Ebost: post@disabilityarts.cymru

• Sgwrs anffurfiol: Os hoffech gael mwy o wybodaeth am yr hyn sy’n ymwneud a rôl ymddiriedolwr, cysylltwch â’n tîm trwy’r ebost uchod i drefnu sgwrs gyda’r Cyfarwyddwr neu’r Gadair.

• Proses: Bydd ymgeiswyr sy’n cyrraedd y rhestr fer yn cael eu gwahodd i gyfarfod cyfeillgar gyda’r Ymddiriedolwyr presennol a’r Cyfarwyddwr. Bydd yr Ymddiriedolwyr newydd yn ymuno’r Bwrdd yn ystod Cyfarfod Cyffredinol Blynyddol DAC ar y 30ain o Fedi 2026.

Dyddiad cau: 10fed o Fedi 2026