Sbotolau Artist: Gavin Clifton
- 3 days ago
- 2 min read
Awdur Plant, Siaradwr Ysbrydoledig, Eiriolwr Anabledd ac Ysgrifennwr Caneuon wedi'i leoli yn De Cymru yw aelod DAC Gavin Clifton, sy'n cael ei adnabod yn broffesiynol fel The Disabled Writer.
Straeon i blant gyda chymeriadau anabl at galon naratif ystyrlon ac effeithiol yw straeon Gavin, sy'n cael eu hysgrifennu mewn ffordd gynhwysol a hygyrch. Mae ei llyfrau yn rhoi caniatâd i blant gofyn cwestiynau onest am anabledd, derbyniad, a gwahaniaeth.
Max and the Magic Wish, sydd ar restr gwerthiad fwyaf Amazon, Paddy the Polar Bear Teddy, ac Anya and the Enchanted Wheelchair yw llyfrau cyhoeddedig Gavin. Trwy'r straeon yma, mae Gavin yn tynnu sylw at y pwysigrwydd o bortreadu anabledd gan annog empathi, chwilfrydedd, a dealltwriaeth o ddarllenwyr ifanc.
Fel siaradwr ysbrydoledig, mae Gavin yn cyflwyno mewn ysgolion, sefydliadau, cynadleddau a lleoliadau cyhoeddus ledled y DU. Gan ddangos sut mae Cyfathrebu Atodol ac Amgen (AAC) yn gweithio mewn bywyd go iawn, mae'n helpu plant ac oedolion i ddeall anabledd, gwahaniaethau lleferydd a dulliau cyfathrebu amgen mewn ffordd uniongyrchol, ddiddorol a gofiadwy. Mae ei sgyrsiau'n archwilio themâu cynhwysiant, gwydnwch, hunaniaeth a derbyniad, gan adael cynulleidfaoedd â safbwyntiau ffres ac effaith barhaol.
Mae Gavin yn cydweithio'n rheolaidd ag ysgolion, sefydliadau anabledd a phrosiectau cymunedol, ac mae'n llysgennad balch dros Cerebral Palsy Cymru. Mae'n angerddol bod cynhwysiant yn rhywbeth sy'n cael ei brofi, nid ond ei drafod.
Ochr wrth ochr â'i ysgrifennu a'i eiriolaeth, mae Gavin yn ysgrifennwr caneuon medrus. Mae wedi cyd-ysgrifennu caneuon i The Korgis, Peter Karrie (Phantom of the Opera), a Kirsten Orsborn. Gavin hefyd yw cyd-sylfaenydd The Word Groove Collective, menter greadigol arloesol sy'n dod ag artistiaid amrywiol gyda'i gilydd ac yn cyfuno ysgrifennu caneuon traddodiadol â thechnoleg gynorthwyol fel Eyegaze a dyfeisiau switsh i greu cerddoriaeth wirioneddol unigryw.
wrth adrodd straeon, siarad ac ysgrifennu caneuon, mae cenhadaeth Gavin yr un fath: i dangos beth all pobl anabl ei gyflawni pan roddir lle, mynediad a'r cyfle i gael eu clywed.
Mwy am waith Gavin ar ei gwefan a chyfryngau cymdeithasol:
Instagram: @disabled_writer_82
