Aelod DAC Rightkeysonly yn rhyddhau sengl annibynnol, dRip

Gwrandewch yma

Mae artist EDM, Rightkeysonly, wedi rhyddhau ei sengl annibynnol, dRip. Mae’r trac yn cymryd agwedd ymosodgar anymddiheurol at gerddoriaeth electronig, wedi’i hysbrydoli gan tun Monster's a’i phrofiadau o dyfu i fyny fel gofalwr ifanc.

Instagram - Rightkeysonly

Mae sengl annibynnol nesaf Rightkeysonly allan nawr. Mae dRip yn ymwneud â gadael i fynd a gwella o'n blynyddoedd iau.

Yn ddim ond deg oed, Keys oedd prif ofalwr ei mam. Wrth gydbwyso’r ysgol a llywio bywyd fel person ifanc Anabl, yn aml byddai’n dod adref yn bryderus am ba sefyllfaoedd y byddai’n dod ar eu traws yn y sefyllfa ansefydlog magwyd ynddi.

“Mae’r trac dawns ymosodgar a miniog hwn yn archwilio sut brofiad oedd cario’r profiadau hynny i mewn i fywyd fel oedolyn. Mae wedi bod yn gyfle i fynegi fy hun yn agored ac archwilio’r brwydrau a ddaeth gyda bod yn ofalwr, rhywbeth nad yw llawer o bobl ifanc yng Nghymru bob amser yn cael y cyfle i’w wneud.”

-Rightkeysonly

Mae Rightkeysonly yn artist EDM, sy'n adnabyddus am ddod â beats arbrofol a baselines trwm i sector cerddoriaeth Cymru. Hi hefyd yw prif gantores band Liquid D’n’B Keyz Collective a sylfaenydd Amplifying Accessibility. Mae Keys yn defnyddio cerddoriaeth i rymuso artistiaid Anabl eraill, fel hi, gyda'r gobaith o weld sector mwy cynhwysol un diwrnod.