Ailddyfeisio’r Prif Gymeriad: Cyfle i Awduron Byddar a/neu Anabl a/neu Niwroamrywiol

Mae Llenyddiaeth Cymru, mewn partneriaeth â Chelfyddydau Anabledd Cymru, yn falch o wahodd awduron Byddar a/neu Anabl a/neu’n Niwroamrywiol sydd yn byw yng Nghymru i ymgeisio am le ar ein rhaglen Ailddyfeisio’r Prif Gymeriad, sy’n cynnwys cwrs preswyl gyda tiwtorialau un-i-un ar-lein i ddilyn yn ystod gwanwyn-haf 2026.

Mae ffenestr ymgeisio Ailddyfeisio’r Prif Gymeriad nawr ar agor!

Dyddiad cau: 12.00 hanner dydd, Dydd Mercher 3 Rhagfyr 2025.

Dyddiadau’r cwrs: Dydd Gwener 27 Mawrth – Dydd Sul 29 Mawrth 2026, gyda sesiynau un-i-un a’r sesiwn olaf yn cael eu cynnal ym Mehefin 2026.

Lleoliad: Caiff y cwrs ei gynnal yng Nghanolfan Ysgrifennu Tŷ Newydd, Llanystumdwy, Gwynedd. Bydd y tiwtorialau a’r sesiwn dathlu yn cael eu cynnal arlein.

Mae Llenyddiaeth Cymru yn falch o weithio mewn partneriaeth â Celfyddydau Anabledd Cymru ar y cwrs hwn ac yn ddiolchgar am eu cefnogaeth. Diolchwn hefyd i The Fenton Arts Trust ac i’r Loteri Genedlaethol, trwy law Cyngor Celfyddydau Cymru, am eu cefnogaeth ariannol hael.

Mwy o wybodaeth a sut i ymgeisio: https://www.literaturewales.org/our-projects/reinventing-the-protagonist/