Gweithdy Effaith: Byd Newydd Dewr

13/08/26

13.00 - 16.00

g39, Caerdydd

Gyda dehongliad Iaith Arwyddion Prydain

Bydd y gweithdy yma yn cyfuno gludwaith, mapio a cherflunio i guradu planedau newydd, a all bod yn dystopaidd neu'n iwtopaidd yn dibynnu ar eich dewis chi.

Gan weithio gyda themâu natur, tirwedd, a chyfiawnder hinsawdd o safbwynt anabledd. Bydd pob planed newydd yn cael ei chreu o lefydd, gwledydd, a thiroedd sydd o ddiddordeb, gan greu tirwedd unigol ei hun i’r blaned. Bydd hyn yn agor lan y posibilrwydd o fyd sy’n adlewyrchu’r anghenion, dymuniadau a lles pobl a’r byd i gyd.

Bydd hyn yn cynnwys dewis o amrywiaeth o ddeunyddiau mapio gwahanol, lleol, rhanbarthol, cenedlaethol a rhyngwladol, torri’r papur a chyfuno’r tirweddau ar glôb bach. Gan orchuddio’r hen arwyneb gyda thirwedd newydd a breuddwyd newydd.

Bydd pob cyfranogwr yn cael planed newydd i gymryd i ffwrdd gyda nhw gan roi’r amser i fyfyrio ar sut byddai’r blaned newydd hon yn datblygu gydag amser.

Mae gwaith Grant “Share Space” yn rhan o arddangosfa Effaith ac yn arddangos ymarfer Grant o fapio/gludwaith gwleidyddol sy’n dychmygu byd ble mae lle i gyd yn cael ei rhannu’n gyfartal, gan dorri’r hierarchaeth sy’n dominyddu ein tirweddau a rhyddfreiniau.

Mae Grant yn ymarferydd dan arweiniad anabledd a gall addasu'r gweithdy i ddiwallu amrywiaeth o anghenion mynediad. Darperir cyfarwyddiadau ar bapur yn ogystal ag ar lafar. Gellir darparu'r cyfarwyddiadau hyn ymlaen llaw - (cysylltwch â: post@disabilityarts.cymru). Os hoffech drafod anghenion mynediad ychwanegol, cysylltwch â post@disabilityarts.cymru)