Artist y Mis: Tobias Weatherburn
- cerys35
- Sep 4
- 3 min read
Mae Artist y Mis yn nodwedd lle rydyn ni'n tynnu sylw at waith anhygoel un o'n haelodau.
Artist y Mis yw Tobias Weatherburn, Actor ac Actor Llais dwyieithog o Gymru sydd wedi cael ei enwebu am sawl gwobr gyda phrofiad ar draws y Llwyfan, y Sgrin, Gemau Fideo, Dramâu Sain a Hysbysebion. Darllenwch ymlaen isod i ddarganfod mwy!
Beth wyt ti'n gwneud?
Rwy'n Actor ac yn actor llais sy'n gweithio ar draws ystod o wahanol gyfryngau gan gynnwys theatr, sgrin, troslais ac yn amlach nawr mewn gemau fideo, animeiddio a drama sain. Graddiais o'r ysgol ddrama yn ôl yn 2015 (mae sylweddoli ei bod wedi bod yn ddegawd yn gwneud i mi deimlo'n hen…) ac rwy'n teimlo'n hynod lwcus i allu dal i weithio ar draws cymaint o wahanol bethau rwy'n eu caru ar ôl yr amser hwnnw.
Sut wnest ti ddechrau ym myd llais?
Yn bennaf dechreuais weithio mwy gyda llais oherwydd Covid. Yn ystod y cyfnod clo, wnes i ffeindio fy hun (fel nifer o greadigwyr eraill) yn methu dilyn y gwaith roeddwn i'n arfer gwneud ac roedd angen i mi ddod o hyd i ffordd wahanol o weithio. IPenderfynais roi cynnig ar droslais gan ei fod yn rhywbeth o'n i wedi cael diddordeb ynddo ers amser hir a rhywbeth y byddwn i'n gallu ei wneud o gartref. Felly, fe wnes i dorri cwpwrdd yn y tŷ, ei inswleiddio rhag sain ac es i ymlaen o'r fan honno! Gwnes i lawer o waith hysbysebu ac egluro i ddechrau ac yna sylweddolais fy mod yn gallu symud mwy i gemau ac animeiddio yn 2022 ar ôl llofnodi gydag asiant gwych sydd wedi rhoi cyfleoedd anhygoel i mi. Rydw i nawr yn gweithio llawer mwy mewn stiwdios yn Llundain ond mae gen i fy mwth o hyd ar gyfer recordiadau cartref sy'n hynod ddefnyddiol!
Unrhyw gyngor i bobl sydd eisiau dilyn y math hwn o waith?
Yn gyntaf, mae'n ddiwydiant anhygoel o anodd. Rwy'n dwlu ar gael gweithio mewn maes rydw i bob amser wedi bod eisiau gweithio ynddo ac rwy'n ystyried fy hun yn ffodus bob dydd fy mod i'n gallu. Ond mae'n llawn gwrthodiadau a chyfnodau anodd iawn heb waith. Mae'n rhaid i chi baratoi'ch hun i ymdopi â gwrthod cyson ac amseroedd heb waith. Ond os yw'n rhywbeth rydych chi'n angerddol amdano, ewch amdani. Mae'n yrfa wych a boddhaol. Ond ar eich taith, gofalwch amdanoch chi'ch hun a gofalwch am eich iechyd meddwl. Mae hunangariad a hunanofal mor bwysig ar adegau pan fyddwch chi'n isel ac wedi'ch llethu gan syndrom yr imposter. Pob lwc i unrhyw un sy'n dilyn y maes yma a gobeithio y byddwch chi'n cael cyfleoedd i'w wneud!
Beth ydych chi'n fwyaf balch ohono?
Rydw i wedi bod yn ddigon ffodus i weithio ar amrywiaeth anhygoel o brosiectau hyd yn hyn, ond o'r rhai y gallaf siarad amdanyn nhw, byddwn i'n dweud bod cael lleisio Jon Snow yn GOT: Kingsroad yn un mawr. Mae'r fasnachfraint GOT mor fawr ac eiconig. Roedd yn teimlo'n frawychus lleisio cymeriad mor annwyl ond yn brofiad anhygoel i fod yn rhan ohono. Byddwn i hefyd yn dweud bod lleisio cymeriad chwaraeadwy yn Warhammer, 40,000: Space Marine 2 yn freuddwyd llwyr. Rydw i wedi chwarae gemau ers pan oeddwn i'n fach felly roedd gallu lleisio cymeriad y gallwn i chwarae yn teimlo'n anhygoel. Y tu allan i gemau, byddwn i'n gorfod dweud fy mod i'n hynod falch o fod yn un o brif actorion y podlediad drama sain 'Camlann'. Roedd cael lleisio cymeriad Cymreig hoyw yn golygu o'n i'n gallu rhoi llawer ohonof fy hun i'r rôl ac mae'r sioe wedi cael effaith anhygoel ar gyfer sioe annibynnol sy'n cyrraedd 150,000 o lawr lwythiadau cyn i gyfres un ddod i ben! Rydym yn gobeithio gwneud cyfres 2 yn fuan felly cadwch lygad allan am hyn...
Pa waith sydd dod lan gallwch chi siarad amdano?
Mewn gemau… ychydig iawn. Y llawenydd am y gelfyddyd hon o'r diwydiant yw bod cymaint o'r gwaith o dan Gytundeb Peidio â Datgelu nes iddo gael ei ryddhau, felly ni allaf ddweud dim byd tan y lansiad. Ond gallaf ddweud bod yna ychydig o gemau rydw i'n rhan ohonynt yn dod allan eleni a sawl un arall y flwyddyn nesaf! Yn y bôn, byddwch chi'n fy nghlywed mewn ychydig o leoedd cyffrous gwahanol yn fuan! Yr hyn y gallaf ei ddweud yw fy mod i wedi gweithio ar ffilm yn ddiweddar a fydd yn cael ei rhyddhau'r flwyddyn nesaf fel y prif actor (sef profiad anhygoel) ac rwy'n rhan o brosiect theatr sy'n digwydd yn ddiweddarach y mis hwn! Os ydych chi eisiau cael y wybodaeth ddiweddaraf am fy ngwaith, dilynwch fi ar instagram a bluesky! Rydw i hefyd weithiau'n ffrydio gemau rydw i wedi gweithio arno ar Twitch.
