Lawrlwythwch y wybodaeth fel ffeil Word:
Lawrlwythwch y wybodaeth fel PDF:
Beth yw Archif Ddarlledu Cymru?
Archif Ddarlledu Cymru yw'r archif gyntaf o'i bath yn y DU. Mae'n cadw ac yn rhannu rhaglenni teledu a radio o bron i 100 mlynedd o radio, teledu a ffilm yng Nghymru. Mae gan yr Archif glipiau gan:
• BBC Cymru Wales
• ITV Cymru Wales
• S4C
• Archif Sgrin a Sain Llyfrgell Genedlaethol Cymru.
Mae'r deunydd hwn yn cael ei gadw'n ddiogel, ei droi’n ddigidol, a gellir chwilio amdano ar-lein. Gallwch wylio 1,500 o glipiau o'r archif gartref ar wefan o'r enw Clip Cymru.
Gellir gwylio clipiau hefyd yn y 'Corneli Clip' yr ydym wedi'u sefydlu o amgylch Cymru mewn llyfrgelloedd a chanolfannau cymunedol.
Mae gennym Gorneli Clip yng Nghonwy, Llanrwst, Abertawe, Caernarfon, Caerfyrddin a Chaerdydd, ac mae mwy ohonynt i ddod yn fuan.
Comisiwn Clip Creadigol
Mae Llyfrgell Genedlaethol Cymru yn gweithio gyda Celfyddydau Anabledd Cymru i roi dau gomisiwn o £1000 yr un i greu celf ddigidol newydd.
Dylai'r gwaith celf gael ei ysbrydoli gan Archif Ddarlledu Cymru a bod yn gysylltiedig ag ardal leol yr artist.
Gallwch greu unrhyw fath o gelf ddigidol, e.e. darluniau, cerddoriaeth, barddoniaeth, collages, technoleg ddigidol fel VR, AR ac ati.
Sut i Ymgeisio:
Llenwch y ffurflen gais yma: https://dacymru.fillout.com/CCC24
Dyddiadau Pwysig:
• Ar agor ar gyfer ceisiadau: 06/02/25
• Dyddiad Cau Cais: 28/02/25
• Dyddiad penderfynu: 06/03/25
• Dyddiad cau'r prosiect: 24/04/25
Hygyrchedd:
Os oes gennych ofynion mynediad, byddwn yn gweithio gyda chi i sicrhau nad oes unrhyw rwystrau i’ch atal rhag gwneud cais neu greu’r comisiwn.